અમદાવાદમાં એક પૂરપાટ ઝડપે થાર કાર ચાલકની અડફેટે આવી જતાં એક ફૂડ ડિલિવરી બોયનું મોત નિપજ્યું હતું. આ કાર ચાલકે એટલી ભયાનક ટક્કર મારી હતી કે વાહન ચાલક ફંગોળાઈને દૂર પટકાયો હતો, જેના કારણે તેને ગંભીર ઈજાઓ થતાં મૃત્યુ પામ્યો હતો. આ મૃતકની ઓળખ સફ્ફાન બ્યાવરવાલા તરીકે થઇ હતી. આ ઘટનાની જાણ થતાં જ પીડિત યુવકના પરિવાર પર જાણે આભ તૂટી પડ્યું હતું. તેમણે દાવો કર્યો હતો કે, કાર નંબર GJ/01/WS/1791ને અમારા પુત્રના વાહનને ટક્કર મારી હતી. જોકે તેમના આ દાવાની પોલીસે તપાસ શરૂ કરી છે. પોલીસે ઘટના સ્થળની આજુબાજુના સીસીટીવી કેમેરાની મદદથી આગળની તપાસ હાથ ધરી હતી.