અમેરિકન રાજ્યના પૂર્વ ભાગમાં ભારે વરસાદને કારણે પૂરની સ્થિતિ સર્જાતા કેન્ટુકીના એપલાચિયનમાં ઓછામાં ઓછા 16 લોકોના મોત થયા છે સાથે જ અન્ય લોકોને બોટ દ્વાર પૂરમાંથી બહાર કાઢી સલામત સ્થળે લઈ જવાયા હતા. એવું કહેવામાં આવી રહ્યું છે કે, જેમ-જેમ બચાવ ટુકડીઓ દુર્ઘટનાગ્રસ્ત વિસ્તારમાં શોધખોળ કરશે તેમ મૃત્યુઆંક વધવાની શક્યાતા છે.  કેન્ટુકીનાં ગવર્નરે જણાવ્યું હતું કે, પૂરના તમામ પીડિતોને શોધવામાં અઠવાડિયા લાગી શકે છે.

જેમાં ઓછામાં ઓછા 16 લોકો મૃત્યું થયા છે. કારણ કે, મુશળધાર વરસાદના કારણે એપલાચિયાના નગરોમાં પાણી ભરાઈ ગયા છે. આગામી દિવસોમાં વધુ વરસાદની આગાહી કરવામાં આવી છે. રેસ્ક્યુ ટીમને અનેક જગ્યાએ રેસ્ક્યુ માટે ભારે જહેમત ઉઠાવવી પડી હતી. પૂર્વીય કેન્ટુકીના કેટલાક વિસ્તારોમાં 48 કલાકમાં 20થી 27 સેન્ટિમીટર વરસાદ થયા બાદ શુક્રવારે વહેલી સવારે વરસાદ થયો હતો.

પરંતુ કેટલાક જળમાર્ગો શનિવાર સુધી વેગમાં આવવાની અપેક્ષા નહોતી. સાથે જ એન્ડી બેશિયરે ચેતવણી આપી હતી કે, મૃત્યુઆંક ઝડપથી વધી શકે છે. રાજ્યના ગવર્નર એન્ડી બેશિયરે કહ્યું હતું કે, આ આકસ્મિક પૂરમાં અનેક લોકોના મોત થયા છે. કેટલાક અસરગ્રસ્ત વિસ્તારોમાં કેટલા લોકો હાજર હતા તે જાણવું મુશ્કેલ છે. તે જ સમયે, બચાવ ટીમે ગુમ થયેલા લોકોને શોધવા માટે હેલિકોપ્ટર અને બોટનો ઉપયોગ કર્યો હતો.

કોરી વાટસને જણાવ્યું હતું કે, બેશિયરે શુક્રવારે પીડિતોમાં ઓછામાં ઓછા 6 બાળકોનો સમાવેશ થાય છે અને બચાવ ટુકડીઓ વધુ વિસ્તારોમાં પહોંચતાં કુલ મૃત્યુઆંક બમણાથી પણ વધી શકે છે. મૃતકોમાં નોટ કાઉન્ટીમાં એક જ પરિવારના 4 બાળકોનો સમાવેશ થાય છે.