વાપી જીઆઈડીસી સેકન્ડ ફેઝમાં દીપક આર્યન એપાર્ટમેન્ટ પાછળના ખુલ્લા પ્લોટમાં પાંચ ઈસમો જુગાર રમતા હોવાનું પોલીસને જાણવા મળ્યું હતું. સ્થળ ઉપર દરોડા દરમિયાન બબલુ નંદકિશોર ચૌધરી, વિજય પ્રકાશ રામસેવક પાસવાન, તુલસીરામ સુખદેવ રાય, પરમહંસ અરવિંદ યાદવ અને રાહુલ રામદૂત નિષાદની ધરપકડ કરવામાં આવી હતી. પોલીસે આ કાર્યવાહીમાં દાવ પર મુકાયેલા રૂપિયા તથા ઇસમોની પાસેથી અંગઝડતીમાં મળેલા ૬,૬૬૦ રૂપિયા મળી કુલ ૬૯૧૦ રૂપિયાનો મુદ્દામાલ કબજે કર્યો હતો. બનાવ અંગે પોલીસે આ પ્રકરણમાં જુગારધારાની કલમ હેઠળ ગુનો નોંધીને વધુ તપાસ હાથ ધરી હતી.