વાપી જીઆઈડીસીમાં સેકન્ડ ફેસમાં આવેલી મેજીક પેકેજીંગ કંપનીમાં સવારના સમયે આગ લાગી હતી અને જોતજોતમાં આગે વિકરાળ સ્વરૂપ ધારણ કર્યું હતું.

વાપી જીઆઈડીસી સેકન્ડ ફેશ એલઆઈસી સેકટર સી-13 નિર્મળ આઈસ ફેકટરીની બાજુમાં આવેલી મેજીક પેકેજીંગ કંપનીમાં સવારના સમયે અગમ્ય કારણસર આગ લાગતા અફરાતફરીનો માહોલ સર્જાયો  હતો. આગે ગણતરીની મિનિટોમાં જ કંપનીમાં વિકરાળ સ્વરૂપ ધારણ કરી લીધું હતું.

આ બનાવ અંગે જીઆઈડીસી તથા વાપી નગરપાલિકાના ફાયર-બ્રિગેટની ટીમને જાણ થતા તુરંત ઘટના સ્થળે આવી પહોંચી હતી. ફાયર-બ્રિગેટની ટીમે સતત પાણીનો માર ચલાવી આગને કાબુમાં લીધી હતી. આગમાં કંપનીમાં રાખેલો મહત્વનો સામાન બળીને ખાક થઈ હતો હતો. પરંતુ કોઇપણ પ્રકારની જાનહાની ના થતા તમામે રાહતનો શ્વાસ લીધો હતો.(ફાઈલ ફોટો)