વ્યારાના મગદુમ નગરમાં રહેતા અતિક શા રફીશા ફકીર ગત શુક્રવારે રાત્રે ઘર નજીક પલંગ પર સૂતા હતા ત્યારે ત્યાં નજીક રહેતા આસિફ સલીમ કાકર અને જાવીદ હસન ત્યાં આવ્યા હતા. આ સમયે આસિફે અતિક શા ફકીરને કહ્યું કે, તે ફેજલ પઠાણનું ઘર વેચાતું લીધું છે તારે મને એની પાસે જે રૂપિયા બાકી છે તે ચૂકવી આપવા પડશે, જોકે દાતરડા વડે અતિકશા પર હુમલો કરવા પ્રયાસ કર્યો હતો પણ ફરિયાદીએ દાતરડું પકડી લેતા એ છાતીના ભાગે વાગ્યું હતું, આ સમયે જાવીદ શેખે પોતાના હાથમાં રહેલ લાકડા વડે અતિક શાને ખભાના ભાગે એક સપટો મારી દીધો હતો અને બાદમાં જાનથી મારી નાખવાની ધમકી આપી નાશી ગયા હતા.

જોકે આજ બનાવોમાં સામે પક્ષે આસિફ સલીમ કાકરે અતીકશા શફીશા ફકીરે, રફીશા શફીશા ફકીરે અને નાઝ્મ શા સફીશા સામે ફરિયાદ નોંધાવી હતી જેમાં ઝઘડા બાબતે સામે વાળા ત્રણ લોકોને સમજાવવા જતા ઝઘડો કર્યો હતો જેથી મારા પિતા ત્યાં દોડી ગયા હતા. દરમિયાન આરોપી અતિકશા એ પોતાની પાસે રહેલા કોઇતા જેવા સાધન વડે મારવા આવતા ફરિયાદીએ પકડી લેતા ઝપાઝપી દરમિયાન કોયતા કપાડમાં લાગી ગયો હતો એ સાથે જ અન્ય આરોપીઓ દ્વારા ફરિયાદીના પિતાને બરડા પર અને જાવીદને લાકડી વડે સપાટા મારવામાં આવ્યા હતા. એટલું જ નહી આરોપીઓ જતા જતા ફરિયાદીને ધમકી આપતા ગયા હતા બહારગામ મળશે તો જાનથી મારી નાખીશું આ બાબતે વ્યારા પોલીસે બંનેની ફરિયાદ લઈ તપાસ હાથ ધરી છે.