ભરૂચ જિલ્લાના અંકલેશ્વર ખાતે આવેલ રાજપીપળા ચોકડી નજીક ભંગાર ના એક ગોડાઉન માં અચાનક ભીષણ આગ ફાટી નીકળતા ભારે દોડધામ મચી હતી,ગોડાઉન માં લાગેલ આગ ના પગલે અંકલેશ્વર ડી.પી.એમ સી ના ફાયર વિભાગ માં જાણ કરવામાં આવી હતી,જે બાદ ફાયર ના લાશકરોએ તાત્કાલિક સ્થળ પર દોડી જઈ આગ ઉપર પાણીનો મારો ચલાવી તેને કાબુમાં લેવાના પ્રયત્નો હાથ ધર્યા હતા.

ભંગાર ના ગોડાઉન માં લાગેલ આગ ના ધુમાડા ના ગોટેગોટા દૂર દૂર સુધી જોવા મળતા એક સમયે સ્થાનિકોમાં ભારે અફરાતફરી નો માહોલ સર્જાયો હતો,ગોડાઉન માં આગ લાગતા ભંગાર નો જથ્થો બળીને ખાખ થયો હોવાનું સૂત્રો પાસેથી જાણવા મળી રહ્યું છે,જોકે ગણતરીના સમય માં આગ પર કાબુ મેળવવામાં આવતા ઉપસ્થિત લોકોએ રાહત નો શ્વાસ લીધો હતો,અત્રે ઉલ્લેખનીય છે કે અંકલેશ્વર પંથકમાં અવારનવાર ભંગાર નાગોડાઉનોમાં આગ લાગવાની ઘટનાઓ સામે આવતી હોય છે,ગોડાઉનો માં કેટલીક વાર અન અધિકૃત રીતે રાખવામાં આવેલ કેમિકલ વેસ્ટ પણ હોવાના કારણે આગ વધુ પ્રમાણમાં પ્રસરતી હોવાનું પણ ચર્ચાઈ રહ્યું છે,તેવામાં આ પ્રકારે લાગતી અવારનવાર ની આગ લાગવાની ઘટનાઓ ચિંતાજનક બાબત જણાવી રહી છે.