ડાંગ જીલ્લાના સિંગાણા ગામના મંદિર ફળિયામાં રહેતા કમલેશભાઈ સોમાભાઈ પવાર પોતાના પરિવાર સાથેશેરડી કાપવાનું મજૂરીનું કામ કરતા હતા દિવાળીની રજા બાદ ગત તારીખ ૨જી નવેમ્બરે સાંજે તેઓ પોતાની બાઇક નંબર જીજે/૩૦/ઈ/૧૫૨૯ પર દીકરી અંજલીને બેસાડી નલોઠા ગામે શ્રમજીવીના પડાવ તરફ જવા નીકળ્યા હતા.

આ બાઈક વ્યારાના કેળકુઈ ગામની સીમમાં થઈ પસાર થતી હતી ત્યારે બાઈક ચાલક કમલેશભાઈ પવારે પોતાની બાઈક પુર ઝડપે અને ગફલત ભરી રીતે હંકારી બાઇકને રોડ સાઈડ પર સ્લીપ ખડાવી દીધી હતી જેથી બાઇક સવાર બંને બાપ-દીકરી રોડ પર પટકાયા હતા. આ બનાવવામાં કમલેશભાઈને માથામાં અને પેટના ભાગે ગંભીર ઈજા થઈ હતી જ્યારે દીકરીને સામાન્ય ઇજા થવા સાથે તેનો બચાવ થયો હતો અકસ્માતમાં ગંભીર રીતે ગવાયેલા કમલેશભાઈ ને આહવા ખાતેની હોસ્પિટલમાં સારવાર અર્થે લઈ ગયા બાદ વધુ સારવાર માટે વ્યારા ની સરકારી જનરલ હોસ્પિટલમાં ખસેડવામાં આવ્યા હતા જોકે સારવાર દરમિયાન તેમનું મોત નિપજ્યું હતું.