બોલીવૂડનાં જાણીતા સિંગર જુબિન નૌટિયાલને ગંભીર ઇજા થતાં તેને હોસ્પિટલમાં દાખલ કરવામા આવ્યો છે. તેની ઇજાઓ ગંભીર હોવાથી તેની સર્જરી કરવી પડે એમ છે. જુબિનનાં પ્રવકતાએ જણાવ્યુ હતુ કે, શુક્રવારે સવારે જુબિન બિલ્ડિંગનાં દાદરા પરથી પડી ગયો હતો. પરિણામે તેને ગંભીર ઇજાઓ થઈ છે. સિંગરની કોણી તુટી ગઇ છો તો વળી પાંસળીઓ અને માથા પર પણ ગંભીર ઇજા થઇ છે. ડોકટરે જુબિન નૌટિયાલનાં ડાબા હાથની સર્જરી કરવાની સલાહ આપી છે. ઉલ્લેખનીય છે કે, હાલ જુબિન પોતાના ટ્રેડિંગ ગીતો તૂ સામને આયે, માનિકે, બના શરાબી માટે ચર્ચામાં હતો. તેમજ તે અવાર-નવાર ઇવેન્ટ અને કાર્યક્રમાં હિસ્સો લેતો હતો. તેની લાઇવ કન્સર્ટ પણ દુબઇમાં થઇ હતી. જુબિનનું નવું ગીત યૂં તેરે હુણે હમ હાલમાં જ રિલીઝ થયું છે. જેને સોશિયલ મીડિયા પર પણ તેણે શેર કર્યું છે.