વાલોડ તાલુકામાં વિદ્યાર્થીઓને જાતિ-આવક અંગેના દાખલા મેળવવામાં પડી રહેલી હાલાકીથી સરકારી તંત્ર વિરુદ્ધ રોષ ભભુકી રહ્યો છે.હાલમાં સરકાર ડીઝીટલ ઇન્ડીયાની વાતો કરી રહી છે પણ આવક અને જાતિના દાખલા કઢાવવામાં ખુબ તકલીફ પડી રહી છે.વાલોડ મામલતદાર કચેરીમાં જાતિ અને આવકના દાખલાઓ માટે મોટી લાઇનો લાગી હોવાના દ્રશ્યો સામે આવ્યા છે.

વાલોડ મામલેતદારશ્રી રજા પર હોવાથી વાલોડ તાલુકાના વિધાર્થીઓ અને તેમના વાલીઓ જાતી-આવકના દાખલા માટે અટવાતા જોવા મળી રહ્યા છે. ત્યારે મામલતદાર સાહેબ રજા પર ઉતરી ગયા પરંતુ તેઓએ પોતાની જગ્યાએ સ્વતંત્ર સત્તા  કોઈ ને આપી નથી ગયા અર્થાત મામલતદાર ગેરહાજર હોય તેમની જગ્યાએ કોઈ માન્ય ઉચ્ચ અધિકારીને સહી સિક્કા કરીને આવક-જાતિનો દાખલો કાઢી આપીને વિદ્યાર્થીઓને પ્રવેશ મળી રહે તેવી કોઈ વ્યવસ્થા કરવામાં નથી આવી, પ્રવેશ પ્રક્રિયાનો ટુક સમય હોય અને મામલતદાર રજા પર ઉતરી ગયા છે ત્યારે વાલોડ માલતદાર વતી જાળવણી માટે ડોલવણ મામલેદારને જણાવવામાં આવ્યું છે.ત્યારે ડોલવણ મામલેદારનો સંપર્ક કરતા તેમણે જણાવ્યું હતું કે, તેમને કોઇ પણ  વાલોડ તાલુકાના જરૂરી કાગળ કે દાખલા ઉપર સહી કરવાની સત્તા વાલોડ મામલતદાર દ્વારા આપવામાં આવી નથી.

ચાલુ વર્ષ દરમ્યાન ધોરણ-૧૨ના પરિણામો જાહેર થતાં વાલોડ તાલુકાના વિદ્યાર્થીઓ જે તે સંસ્થાઓમાં પ્રવેશ મેળવવા મથામણ કરી રહ્યાં છે.જેમાં સંસ્થાઓમાં ફી માં માફી અને શિષ્યવૃત્તિ માટે આવક અંગેના દાખલાની જરૂર હોય છે જેના કારણે વિદ્યાર્થીઓ સાથે વાલીઓ આવક-જાતિના દાખલા મેળવવા દોડધામ કરી રહ્યાં છે.