શુદ્ધ ક્રાંતિ ચેરીટેબલ ટ્રસ્ટ, સુરત દ્વારા આયોજીત પૂજ્ય શ્રી મોટાની ૧૨૫મી જન્મવર્ષની પૂર્ણાહુતિ નિમિત્તે, ચિકાર માધ્યમિક શાળા ખાતે "પૂજ્ય શ્રી મોટાને જાણીએ” વિષય ઉપર નિબંધ સ્પર્ધા યોજાઇ હતી. સરકારી માધ્યમિક-ઉચ્ચતર માધ્યમિક શાળા, ચિકાર ખાતે યોજાયેલ આ સ્પર્ધામા (૧) શ્રીમોટાનું જીવન-કવન (૨) શિક્ષણ જગતના પ્રેરણાસ્ત્રોત શ્રીમોટા, અને (૩) શ્રીમોટાના મૌનમંદિર આધ્યાત્મિક જગતની પવિત્ર શાળા વિષયો ઉપર નિબંધ સ્પર્ધા યોજવામા આવી હતી. જેમા ધોરણ ૯ થી ૧૨ના ૧૬ થી વધુ વિધ્યાર્થીઓએ ભાગ લીધો હતો. શાળાના પ્રથમ ત્રણ વિજેતાઓને અનુક્રમે રૂ.૩૦૦/- રૂ.૨૦૦/, અને રૂ.૧૦૦/-ના રોકડ પુરસ્કારો એનાયત કરાયા હતા. કાર્યક્રમનું સંચાલન અને નિર્ણાયક તરીકે શાળાના શિક્ષક સેવા આપી હતી.