પ્રધાનમંત્રીશ્રી નરેન્દ્રભાઈ મોદીના માર્ગદર્શન હેઠળ ગુજરાતના મુખ્યમંત્રીશ્રી ભુપેન્દ્રભાઈ પટેલના કુશળ નેતૃત્વવાળી રાજ્ય સરકારના પ્રયાસો થકી રાષ્ટ્રવ્યાપી ‘સ્વચ્છતા હી સેવા’ ઝુંબેશને વેગ મળ્યો છે. નર્મદા જિલ્લા વહીવટી તંત્ર સહિત નાગરિકો પણ આ ઝુંબેશને સફળ બનાવવા સંકલ્પબદ્ધ થયા છે. “સ્વચ્છતા હી સેવા” ઝુંબેશ અંતર્ગત નર્મદા જિલ્લા સહિત તિલકવાડાના સેવાડા ગામના બાળકો-મહિલાઓમાં પણ સ્વચ્છતા ઝુંબેશ અંગે ઉત્સાહ જોવા મળી રહ્યો છે. યુવાનો, મહિલાઓ, વડિલો સહિત બાળકો પણ સ્વચ્છતા ડ્રાઈવમાં પોતાની હિસ્સેદારી નોંધાવીને ગ્રામજનોમાં સ્વચ્છતા પ્રત્યેની ભાવના કેળવી રહ્યાં છે.