સુરત જિલ્લાનાં માંગરોળ તાલુકાનાં લવેટ, ભડકુવા, બોરીયા સહિત ૧૭ જેટલા ગામોમાં વહેલી સવારે જીયુવીએનએલ અને ડીજીવીસીએલની ટીમે પોલીસ કાફલા સાથે દરોડા પાડી રૂપિયા ૨૪.૦૫ લાખની વિજ ચોરી ઝડપી પાડતા વિજ ચોરોમાં ફફડાટ ફેલાયો હતો. દક્ષિણ ગુજરાત વિજ કંપનીની પર જેટલી ટીમો દ્વારા લવેટ ભડકુવા, વડ વકીલ પરા, અણોઈ, પાતલ દેવી, કંટવાવ, બોરીયા, ઓગણીસા, ઈસનપુર, કેવડી કુંડ, નાંદોલા, સિમોદરા, ખરેડા ડુંગરી, રટોટી સહિત કુલ ૧૭ જેટલા ગામોમાં વિજ ચેકીંગ હાથ ધરાયું હતું. કુલ ૨૫૮૦ દેટલા વિજ કનેક્શન ચેક કરવામાં આવ્યા હતા. જેમાં ૧૦૬ જેટલા વિજ કનેક્શનમાં વિજ ચોરી પકડાઇ હતી. વિજ કંપની દ્વારા વિજ ચોરો વિરુદ્ધ દંડનીય બિલો ફટકારી કાર્યવાહી કરવામાં આવી હતી.