વલસાડ જિલ્લાનાં ઉમરગામ અને નારગોલ વિસ્તારમાં વીજ કંપનીની ટીમે ૨૬૦ ઘરોમાં ચેકિંગ કરી ૨.૩૧ લાખની વીજ ચોરી ઝડપી પાડી હતી. ઉમરગામ શહેર અને નારગોલમાં ઉમરગામ અને વાપી ડીજીવીસીએલની ટીમે આશરે ૨૬૦ વીજ જોડાણોની તપાસ કરી હતી. જેમાં પાંચ જગ્યાએ ગેરરીતિ મળી હતી. ઉમરગામમાં રામાભાઈના ઘરના વીજ મીટરથી દુકાનોમાં કોમર્શિયલ વીજ વપરાશ થતો હોવાનું જણાયું હતું. જેને વીજ વિભાગે ૯૨,૦૦૦નો દંડ ફટકાર્યો હતો.