વાલોડના બુહારી ગામ પાસે બાઈક અડફેટે ચઢેલા વૃદ્ધને ગંભીર હાલતમાં સારવાર અર્થે ખસેડવામાં આવ્યો હતો જોકે તેમનુ સારવાર દરમિયાન મોત નિપજ્યું હતું.

મળતી માહિતી મુજબ વાલોડ તાલુકાના વીરપોર ગામના નાયકીવાડમાં રહેતા ૭૦ વર્ષીય ઠાકોરભાઇ મંગાભાઇ કોકણી ગત તારીખ ૧૪મી નવેમ્બર નારોજ બુહારી ગામ નજીક કુંભારવાડ બહુચરાજી માતાજીના મંદીર પાસે રસ્તો ક્રોસ કરી રહ્યા હતા તે વખતે આ અજાણ્યા બાઈકના ચાલકે પોતાની કબજાની બાઈક પુર ઝડપે અને ગફલત ભરી રીતે હંકારી લાવી ઠાકોરભાઇ કોકણીને બન્ને પગોમાં ગંભીર ઇજા પહોંચાડી ફેક્ચર કરી નાશી છુટ્યો હતો,

જોકે સુરતની નવી હોસ્પિટલમાં સારવાર લઇ રહેલા ઠાકોરભાઇ મંગાભાઇ કોકણીનું સારવાર દરમ્યાન તારીખ ૧૬મી નવેમ્બર નારોજ મોત નિપજ્યું, બનાવ અંગે ખટોદરા પોલીસે બનાવ બનાવ દાખલ કરી આગળની વધુ કાર્યવાહી માટે વાલોડ પોલીસને જાણ કરી હોવાનું જાણવા મળ્યું છે.