સુરતનાં પાંડેસરામાં કારખાનામાં ઓફિસમાં ધંધામાં મંદીનાં કારણે ટેન્શન અનુભવતા લૂમ્સ કારખાનેદારે પોતાના કારખાનામાં જ ફાંસો ખાઇને આપઘાત કરી લીધો હતો. નવી સિવિલથી મળેલી વિગત મુજબ, અલથાણ ભીમરાડ કેનાલ રોડ ખાતે આવેલ આકાશ એન્ક્લેવમાં રહેતા 44 વર્ષીય સીતારામ કાંતિભાઈ પટેલનું પાંડેસરામાં વડોદગામ ખાતે આવેલ મિનરવા ઇન્સ્ટ્રીયલ એસ્ટેટમાં લૂમ્સનું કારખાનું ધરાવતા હતા.

જોકે ગુરુવારે સાંજે કારખાનામાં સીતારામે ઓફીસની અંદર પંખાનાં હુક સાથે દોરી બાંધી ગળે ફાંસો ખાઈ જીવન ટુંકાવ્યું હતું. જોકે તેમને જોઇને કારીગરો સહીત ત્યાં હાજર લોકો ચોકી ઉઠયાં હતા. પોલીસે જણાવ્યું હતું કે, સીતારામ મુળ પાટણના વતની હતા. જયારે તેમને ધંધામાં મંદીને કારણે માનસિક તાણ અનુભવતા હોવાથી આ પગલું ભર્યું હતું. તેમને સંતાનમાં એક પુત્ર અને એક પુત્રી છે.