સુરત જીલ્લાના કીમ ગામથી બોલેરો પીકઅપમાં ગેરકાયદે રીતે ઘાસચારા અને પાણીની વ્યવસ્થા વિના કતલનાં ઇરાદે ભેંસો ભરી સુરત શહેરમાં લઈ જવાઈ રહી હોવાની કામરેજ પોલીસને બાતમી મળી હતી. જેથી પોલીસે અંત્રોલી ગામની સીમમાં રાજ હોટલથી હજીરા જતા રોડ પર વોચ ગોઠવી દીધી હતી.

ત્યાં બાતમી વાળી પીકઅપ આવી પહોંચતા પોલીસે તેને અટકાવી તલાશી લેતા પાછળનાં ભાગે ધાસચારા કે પાણીની વ્યવસ્થા વિના ભેંસોને ખીચોખીચ કતલનાં ઇરાદે લઈ જવાતી હોવાનું જણાયું હતું. આમ, પોલીસે બનાવનાં સ્થળેથી ૭૨ હજાર કિંમતની ૯ ભેંસો, ૩ લાખ કિંમતની પીકઅપ મળી મુદ્દામાલ કબજે હતો. પોલીસે ચાલક અઝહર સકીલ અહમદ (રહે.પાલોદ ગામ, કીમ ચારરસ્તા સપના નગર, તા. માંગરોળ)ની ધરપકડ કરી અને ઝાબીર (રહે.ઉમરવાડા, સુરત)ને વોન્ટેડ જાહેર કરી આગળની તપાસ હાથ ધરી હતી.