ડોલવાણના કણધા ગામે‎ રહેતા એક વૃદ્ધ તેની‎ મોટી દીકરીને દવા આપવા માટે‎ પગપાળા ગારપાણી ગામે જઈ‎ રહ્યા હતા. તે દરમિયાન રસ્તામાં‎ કંઈક બોલતા જઈ રહ્યા હતા. જે‎ બાબતે એક ઈસમે વૃદ્ધ ને માથાના‎ ભાગે લોખંડના સળિયા અને‎ લાકડી વડે સપાટા મારી ગંભીર‎ ઈજા પહોંચાડી કરપીણ હત્યા કરી હુમલાખોર હત્યારો ફરાર થઈ ગયો હતો.  

મળતી માહિતી મુજબ ડોલવણ તાલુકાનાં કણધા ગામે ‎ ‎ગૌચર ફળીયામાં રહેતા‎ બાબલુભાઇ લખિયાભાઇ કોંકણી ‎ ‎ (ઉ.વ.60) તેની પત્ની મયનું બેન‎ ‎ સાથે રહી ખેતી કામ કરી જીવન ગુજારે છે.બાબલુભાઈની મોટી‎ દિકરી જશોદાબેન બિમાર હોઇ‎ તેઓને દવા આપવા માટે ડોલવણ‎ ના ગારપાણી ગામે જવા‎ પગપાળા જ નિકળ્યા હતા. ત્યારે‎ રાત્રીનાં આશરે નવેક વાગ્યાના‎ અરસામાં બબડતા-બબડતા‎ ચાલતા જતા હતા ત્યારે વરજાખણ‎ ગામની સીમમાં ડુંગરી ફળીયામાં‎ ‎ શંકર જેઠિયાભાઇ કોંકણીના ખેતર‎ પાસે વરજાખણ ગામે ડુંગરી‎ ફળિયામાં રહેતા પ્રકાશ‎ છગનભાઇ ઢોડીયા પટેલે, તેઓને‎ બોલે છે તેવું લાગતા એકદમ‎ આવેશમાં આવી ગયો હતો.‎

પ્રકાશ ઢોડીયા પટેલે આ‎ બાબલુભાઇ કોંકણીને લાકડીના‎ સપાટા તેમજ લોખંડના સળીયા ‎ વડે માથામાં તથા કપાળના ભાગે‎ જીવલેણ હુમલો કરતા બાબલુ‎ કોંકણી ગંભીર રીતે ઘવાયા હતા.‎ બબલુભાઈ લોહીલુહાણ થઈ જતા‎ તેઓને સારવાર માટે સરકારી દવાખાને લઇ‎ જતા રસ્તામાં જ મોત નિપજ્યુ‎ હતુ.

બનાવ અંગે ઉમેદભાઇ બાબલુભાઇ કોંકણી રહે.કણધા ગામ ગૌચર ફળીયા તા.ડોલવણ નાઓની  ફરિયાદના આધારે પોલીસે‎ ફરાર ઈસમ વિરુદ્ધ ઇ.પી.કો.કલમ-૩૦૨  તથા GPAct -૧૩૫ મુજબ ગુનો નોંધી વધુ‎ તપાસ હાથ ધરી હતી.