ડોલવણના બોરકચ્છ સીમમાં કરંજખેડ-પદમડુંગરી તરફ જતા રોડ ઉપર બાઈક સ્લીપ થતા પટકાયેલ બાઈક ચાલકનું સારવાર દરમિયાન મોત નીપજ્યું હતું જ્યારે તેની પાછળ બેસેલ યુવાનને ગંભીર ઈજા પહોંચી હતી.

મળતી માહિતી અનુસાર ડાંગ જિલ્લાના વઘઈના જામનપાડા ગામના ઉપલું ફળિયામાં રહેતા સુરેશભાઈ ભાયજુભાઈ ખોટર્યાનો દીકરો આનંદભાઈ (ઉ.વ.૨૩) અને નવીનભાઈ ધનાભાઈ ભોયે તા.૦૨-૧૦-૨૦૨૩ ના રોજ યામાહા કંપનીની આર-૧૫ બાઈક નંબર જીજે-૨૧-બીક્યુ-૬૮૭૨ ઉપર સવાર થઈ ડોલવણ તાલુકાના બોરકચ્છ ગામની સીમમાં આવેલ કરંજખેડથી પદમડુંગરી તરફ જતા રોડ ઉપરથી પસાર થઇ રહ્યા હતા તે દરમિયાન બાઈક સ્લીપ થતા બાઈક ચાલક આનંદને માથાના ડાબી સાઈડએ ગંભીર ઈજા થતાં તેનું વલસાડ સિવિલ હોસ્પિટલ ખાતે સારવાર દરમિયાન મોત નીપજ્યું હતું.જ્યારે બાઈક પાછળ બેસેલ નવીનભાઈને જમણા હાથના પંજા ઉપર ઇજા પહોંચી હતી.ઘટના અંગે ડોલવણ પોલીસ મથકે સુરેશભાઈ ભાયજુભાઈ ખોટર્યાએ ફરિયાદ આપતા ડોલવણ પોલીસ દ્વારા આગળની વધુ તપાસ હાથ ધરવામાં આવી છે.