ડોલવણ તાલુકાનાં અંધારવાડીદૂર ગામે એક જ ઘરમાંથી ત્રીજો સાપ નજરે પડતાં લોકોમાં કુતૂહલ સર્જાયું છે. અંધારવાડીદુર ગામના નિશાળ ફળિયામાં રહેતા, લવજીભાઈ ચૌધરીના ઘરમાંથી બે દિવસ પહેલા એક ઝેરી સાપ નજરે પડ્યો હતો જેને પકડવા માટે એનિમલ સેવિગના સભ્યને જાણ કરાતા સાપને પકડી લીધો હતો. જોકે ફરી પાછું ગતરોજ સાંજે રૂપસુંદરી પ્રજાતિનો સાપ ઘરમાં ઘુસી જતા અફરાતફરીનો માહોલ જોવા મળ્યો હતો જયારે 3 દિવસમાં 2 વખત સાપ નીકળતા લોકોમાં ડરનો માહોલ જોવા મળ્યો હતો. સાપને પકડવા એનિમલ સેવિંગ ગ્રુપના સભ્ય અનિલભાઈ ચૌધરી અને ધર્મશભાઈ ચૌધરીને જાણ કરતાં તરત જ સ્થળ પર આવીને સાપને પકડવાની કવાયત હાથ ધરવામાં આવી હતી. ઝેરી સાપને પકડી લીધો હતો અને એનિમલ સેવિગસના સભ્યએ સાપને જંગલમાં છોડવાની કવાયત હાથ ધરી હતી. આ અગાઉ પણ આજ ઘરમાં ધામણને પકડી લીધો હતો. એક મહીનામાં ત્રણ સાપને પકડી લેતાં લોકોમાં કુતૂહલ જોવા મળ્યું હતું.