વલસાડ જિલ્લાનાં મોતીવાડા ખાતે થયેલ અકસ્માતમાં એક યુવકનું મોત થયું હતું અને તેની સાથે સવાર અન્ય એક વ્યક્તિને ગંભીર ઈજાઓ પહોંચી હતી. મળતી માહિતી મુજબ, મૂળ મધ્યપ્રદેશનાં વતની અને હાલ પારડીનાં અભિનવ એન્ડ્રુ ફ્લેટમાં રહેતા દિપકભાઈ ચંદ્રભાન ખાખરે (ઉ.વ.૨૭) તેમના મિત્ર અનિકેતકુમાર ગયાપ્રસાદ (ઉ.વ.૨૬) સાથે બજાજ પલ્સર બાઈક ઉપર દમણથી પારડી તરફ પરત આવી રહ્યા હતા.

ત્યારે મોતીવાડા પાસે નેશનલ હાઈવે ઉપર એક અજાણ્યા વાહને તેમની બાઈકને અડફેટે લેતાં ગંભીર અકસ્માત સર્જાયો હતો. જોકે અકસ્માતમાં બંને યુવકોને ગંભીર ઈજાઓ થતાં તેમને તાત્કાલિક વલસાડ સિવિલ હોસ્પિટલમાં સારવાર માટે ખસેડવામાં આવ્યા હતા. જ્યાં દિપકભાઈનું સારવાર દરમિયાન મૃત્યુ થયું હતું. જ્યારે અનિકેતકુમારની હાલ સારવાર ચાલી રહી છે અને તેમની સ્થિતિ ગંભીર છે. પારડી પોલીસ સ્ટેશનમાં અકસ્માત સર્જનાર અજાણ્યા વાહન ચાલક વિરુદ્ધ ગુનો નોંધવામાં આવ્યો હતો. અકસ્માત સર્જ્યો બાદ વાહન ચાલક પોતાનું વાહન લઈને ફરાર થઈ ગયો હતો. આમ, પોલીસે આ મામલે તપાસ શરૂ કરી હતી.અને ફરાર થયેલા વાહન ચાલકની શોધખોળ હાથ ધરી હતી.