દર વર્ષની જેમ નેશનલ કાઉન્સીલ ઓન સાયન્સ મ્યુઝીયમ-કોલકતા, નેહરુ સાયન્સ સેન્ટર-મુમ્બઇ તથા ગુજરાત કાઉન્સીલ ઓન સાયન્સ એન્ડ ટેકનોલોજી (ગુજકોસ્ટ), ગાંધીનગર પ્રેરીત, પ્રયોશા જિલ્લા લોક વિજ્ઞાન કેન્દ્ર-આહવા ખાતે 'બાજરી - એક શ્રેષ્ઠ અન્ન' અથવા "આહારની લત" વિષય પર જિલ્લા કક્ષાનો "નેશનલ સાયન્સ સેમીનાર" યોજાયો હતો. જેમાં ડાંગ જિલ્લાની માધ્યમિક શાળાઓના વિધ્યાર્થીઓએ ભાગ લીધો હતો. કાર્યક્રમમાં રાજ્ય કક્ષાના "નેશનલ સાયન્સ સેમિનાર" માટે એક્લવ્ય મોડેલ રેસીડેન્સીયલ સ્કુલ, આહવાના વિધ્યાર્થીની પટેલ હિરલબેન દિનેશભાઇ પ્રથમ ક્રમે, સંતોકબા ધોળકિયા વિધ્યામંદિર, માલેગામના વિધ્યાર્થી પવાર પ્રતિકભાઇ તુળશીરામ બીજા ક્રમે પસંદગી મેળવી છે.