વઘઇના જુના ફોરેસ્ટ ચેક પોસ્ટ નજીક શેરડી ભરેલી ટ્રક પલ્ટી મારી જતા સીસીટીવીના પોલને ભારે નુકસાન થયું હતું. જયારે ચાલકનો આબાદ બચાવ થયો હતો.

સુત્રો પાસેથી મળતી માહિતી અનુસાર, વઘઇ વાંસદા મુખ્ય માર્ગ પર આવેલ વઘઇ જુના ફોરેસ્ટ ચેક પોસ્ટ નજીક મહારાષ્ટ્ર તરફથી શેરડીનો જથ્થો ભરેલી ટ્રક વાંસદા તરફ પસાર થઇ રહી હતી. તે દરમિયાન ટ્રક નંબર એમએચ/16/એઈ/2727ની બ્રેક ફેઇલ થઇ જતા ચાલકે સ્ટેરીંગ પરનો કાબુ ગુમાવતા મુખ્ય માર્ગ પર લાગેલા સીસીટીવી કેમેરાના પોલ સાથે ટ્રક ભટકાઇ હતી અને ત્યારબાદ પલ્ટી મારી જતા સ્થળ પર ગંભીર અકસ્માત સર્જાયો હતો જે અકસ્માતમાં સીસીટીવી કેમેરાના પોલ તુટી જતા સીસીટીવી કેમેરા સહિત એંગલને ભારે નુકસાન થયું હતુ. જયારે ટ્રક ચાલકને નાની મોટી ઇજાઓ પહોંચતા સદનસીબે ચમત્કારિક બચાવ થયો હતો. ઘટના અંગે વઘઇ પોલીસે સ્થળ ઉપર પહોંચી આગળની કાર્યવાહી હાથ ધરી હતી.