ડાંગ જિલ્લાનાં પોલીસ વડા રવિરાજ સિંહ જાડેજાને મળેલ બાતમી મુજબ દિવાળીના તહેવારને ધ્યાનમાં રાખી સાપુતારા સરહદ પારથી ગુજરાતમાં દારૂ હેરાફેરી થવાની હોય જે બાતમીના આધારે સાપુતારા પોલીસ મથકના પીએસઆઇ તેમજ તેમના સ્ટાફના માણસો ચેકપોસ્ટ પર કડક ચેકીંગ હાથ ધરી હતી. તે દરમિયાન નાસિકથી સાપુતારા માર્ગે એક ટાટા ટેમ્પોમાં ઈંગ્લીશ બનાવટનો દારૂ પાસ પરમીટ વગર ગેરકાયદેસર રીતે સફેદ પાવડરની આડમાં પોલીસને લાખો રૂપિયાનો દારૂ ઝડપી પાડવામાં સફળતા મળી હતી. આમ, સાપુતારા પોલીસે ટેમ્પો નંબર એમએચ/18/બીજી/5693 માંથી બિયર અને વિસ્કી અને ટેમ્પો મળી કુલ રૂપિયા 18,56,600/-નો મુદ્દામાલ કબજે કરી ટેમ્પો ચાલક ભાસ્કર ગંગારામ પાટીલ (રહે.સુમન સ્વેટ આવાસ ડુમસ મગદલ્લા,સુરત) અને ક્લીનર જીતેન્દ્ર અશોક પાટીલ (રહે.શાંતિનગરની પાછળ ઋષિકેશ,લીંબાયત,સુરત)ના ઓની અટક કરી હતી, જયારે રાજેશ પાટીલ અને વિજયભાઇ નામના શખ્સ નાસી છૂટતાં પોલીસે તેમને વોન્ટેડ જાહેર કરી કાયદેસરની કાર્યવાહી હાથ ધરી હતી.