ડાંગ જિલ્લાનાં સુબીર તાલુકાનાં ઝાંખરાઇ બારી સરહદી વિસ્તાર પાસે આવેલ ફોરેસ્ટ ચેકીંગ નાકા પાસે સુબીર પોલીસ સ્ટાફે રાત્રીના સમયે વાહન ચેકીંગ હાથ ધરાયું હતુ. તે દરમિયાન મહારાષ્ટ્ર તરફથી સુપર સ્પેલન્ડર લઇ એક યુવક પસાર થઇ રહ્યો હતો.

 

 

 

 

તે સમયે બાઇક ચાલક મોહમ્મદબીલાલ સુલ્તાન પઠાણ પાસે વિમલના થેલામાં કોઈ ગેરકાયદેસર વસ્તુ હોવાની પોલીસને શંકા જતા બાઇક ચાલકને રોકી થેલાની અંદર તપાસ કરતા ટેગો પંચ નામની વિદેશી બ્રાન્ડની 140 બોટલો મળી આવી હતી જેની કિંમત રૂપિયા 7280/- અને બાઇકની કીંમત રૂપિયા 15 હજાર તેમજ મોબાઈલ 1 નંગ એમ કુલ મળી રૂપિયા 23280/-નો મુદ્દામાલ કબ્જે કરી બાઇક ચાલકની પુછપરછ કરતા દારૂની બોટલ પીંપલનેર બારમાથી ખરીદી હોવાનુ કબૂલાત કરી હતી.

 

 

 

 

બનાવ અંગે સુબીર પોલીસ દ્વારા ગેરકાયદેસર દારૂની હેરાફેરી કરતા ઇસમ મોહમ્મદબીલાલ સુલ્તાન પઠાણની અટક કરી વધુ તપાસ હાથ ધરી હતી જયારે મહારાષ્ટ્રના બીજા એક ઈસમને વોન્ટેડ જાહેર કર્યો હતો.