ડાંગ જિલ્લામાં દિવસભર વાદળછાયું વાતાવરણ રહ્યા બાદ ગતરોજ સાંજે સાપુતારાના વિસ્તારોમાં વરસાદ પડતા આહલાદક વાતાવરણ ઊભું થયું છે. જ્યારે ધોધમાર વરસાદ તૂટી પડતા માર્ગો ઉપર પાણી ફરી વળ્યાં હતા અને ધોધમાર વરસી રહેલાં વરસાદને લઈને વાહન ચાલકોને ભારે મુશ્કેલીઓ પડી હતી જેથી વાહન ચાલકોને ધોધમાર વરસાદમાં દિવસે પણ હેડલાઈટ ચાલુ કરી ફરવું પડયું હતું. તેમજ ગિરિમથક સાપુતારામાં ફરવા આવેલા સહેલાણીઓએ આ સુંદર વાતાવરણનો ભરપૂર લાભ ઉઠાવ્યો હતો.