ડાંગ જીલ્લાનાં સુબીર ગામનાં પ્રતાપભાઈ શિવાભાઈ પવાર અને તેમના નજીક નિશાણા ગામનો ઉજ્જવલકુમાર રમેશભાઈ ગામીત બંને મોટરસાઈકલ નંબર જીજે/30/સી/1242 ઉપર સવાર થઈને સુરતથી નિશાણા ગામ તરફ જઈ રહ્યા હતા અને મોટરસાઈકલ પ્રતાપભાઈ પવાર ચલાવતા હતા ત્યારે સોનગઢ ઓટા રોડ પર ઓઝર ગામના બસસ્ટેન્ડ પાસે સામે ગાય આવી જતાં સર્જાયેલ અકસ્માતમાં મોટરસાઈકલ પાછળ બેસેલો ઉજ્જવલ ગામીત જમીન પર પટકાતા માથાના ભાગે ગંભીર રીતે ઘાયલ થયો હતો અને તેના કાનમાંથી લોહી નીકળવા લાગ્યું હતું જયારે મોટરસાઈકલ ચાલક પ્રતાપભાઈને પણ ગંભીર ઈજા થતા બંનેને 108ની મદદથી સોનગઢ રેફરલ હોસ્પિટલ લવાતા ફરજ પરના ડોકટરે ઉજ્જવલ ગામીતને મૃત જાહેર કર્યો હતો.

આ ઘટના અંગે મૃતકના પિતા રમેશભાઈ ગામીતે સોનગઢ પોલીસ મથકે ફરિયાદ નોંધાવતા પોલીસે ફરિયાદ નોંધી મોટરસાઈકલ ચલાવનાર પ્રતાપ ભાઈ પવાર સામે પુરઝડપે ગફલતભરી રીતે વાહન હંકારી ગાય સાથે અકસ્માત કરાવી મોટરસાઈકલ પાછળ બેસેલા યુવકનું મોત નીપજવાનો ગુનો નોંધાયો હતો.