કૃષિ વિજ્ઞાન કેન્દ્ર, વઘઈ દ્વારા ડાંગ જિલ્લાના ખેડૂતો પ્રાકૃતિક કૃષિ પધ્ધતિ વિશે જાગૃત થાય અને પ્રાકૃતિક કૃષિ પધ્ધતિ અપનાવતા થાય તેના માટે સુબિર તાલુકાના સાજુપાડા ગામમા ગત તા.૫/૧/૨૦૨૪ અને ૬/૧/૨૦૨૪ના રોજ બે દિવસીય પ્રાકુતિક કૃષિ પધ્ધતિ અંતર્ગત તાલીમ કાર્યક્રમનું આયોજન કરવામાં આવ્યું હતું. આ તાલીમમાં ખેડૂતોને કૃષિ વિજ્ઞાન કેન્દ્રના બાગાયત વિષયના વૈજ્ઞાનિક દ્વારા પ્રાકૃતિક કૃષિના પાંચ આયામોનું વિશેષ મહત્વ સમજાવવામાં આવ્યું હતું.

તથા બીજામૃત, જીવામૃત, આચ્છાદન, વાફસા અને જંતુનાશક અસ્ત્રો વિશે ખૂબ જ ઝીણવટભરી માહિતી આપવામાં આવી હતી. આ તાલીમ કાર્યક્રમ દરમિયાન વૈજ્ઞાનિકોએ પ્રાકૃતિક કૃષિમાં ઉપયોગમા લેવાતા જીવામૃત, ઘનજીવામૃત, અગ્નીસ્ત્ર અને અન્ય વિવિધ પ્રાકૃતિક ખેતીની બનાવટો વિશે પ્રત્યક્ષ નિદર્શન પણ આયોજિત કરવામા આવ્યુ હતુ. આ તાલીમ કાર્યક્રમમાં સુબીર તાલુકાના સાજુપાડા ગામના ૪૨થી વધુ ખેડૂતોએ ઉત્સાહભેર ભાગ લીધો હતો. અહિં ઉપસ્થિત તમામ ખેડુતોએ સરકારશ્રીની પ્રાકૃતિક કૃષિની ઝુંબેશને આગળ ધપાવવા તથા પ્રાકૃતિક કૃષિ અપનાવવાનો સંકલ્પ કર્યો હતો.