ડાંગ જિલ્લાનાં વઘઈ તાલુકાનાં કલમખેત ગામે રહેતા બસ્તરભાઈ જાનુભાઈ માંછી અને તેમના પત્ની મંગીબેન ખાપરી મરણ પ્રસંગે ગયા હતા અને તેઓ ખાપરી ગામના નરેશભાઈ સોનુભાઈની ફેશન પ્રો-બાઈક નંબર જીજે/30/બી/8827 પર બેસી તેમના ઘરે પરત આવી રહતા હતા.

તે સમય દરમિયાન વઘઈ તાલુકાના ગોદડીયા ગામ પાસેના પુલના વળાંક પાસેથી પસાર થઈ રહ્યા હતા ત્યારે હીરો ગ્લેમર બાઈક નંબર જીજે/30/બી/0114ના ચાલકે તેમણી બાઈકને અડફેટે લેતા તમામને નાની-મોટી ઈજા થઈ હતી. પરંતુ બસ્તરભાઈને ગંભીર ઈજા થતા તેમનું ઘટના સ્થળ પર જ મોત નીપજ્યું હતું. બનાવ અંગે વઘઈ પોલીસ મથકે નિતિન માંછીએ બાઈક ચાલક વિરુદ્ધ ગુનો નોંધાવતા પોલીસે આગળની કાર્યવાહી હાથ ધરી હતી.