ડાંગ જીલ્લાના વઘઈથી નવસારી આલીપોર ડેરીમાં દૂધ ભરવા માટે આવી રહેલ ટેન્કર વઘઈની ઉમરા ખાડીમાં પલટી મારી ગયું હતું.

નવસારીની આલીપોર વસુધારા ડેરીમાં દૂધ ભરવા માટે વઘઈથી ટેન્કર નીકળ્યું હતું. જે દરમિયાન વઘઈની ઉમરા ખાડી પાસે ટેન્કર ચાલકે સ્ટેરીંગ પરનો કાબુ ગુમાવતા દૂધ ભરેલું ટેન્કર પલટીને ખાડીમાં પડ્યું હતું. ટેન્કર ખાડીમાં પડવાથી દૂધની નદીઓ વહેવા લાગી  હતી. આ અકસ્માતમાં ટેન્કર ચાલક અને ક્લીનરને ઈજાઓ પહોચતા આસપાસના લોકોએ તેમને હોસ્પીટલમાં ખસેડ્યા હતા. આ બનાવ અંગેની જાણ થતા પોલીસ ઘટના સ્થળે પહોચી તપાસ કરી આગળની કાર્યવાહી હાથ ધરી હતી.