ડેડીયાપાડા તાલુકાના ગોલવાણ ખાતેથી જુગાર રમતા પાંચ જુગરિયાઓને પોલીસે મુદામાલ સાથે ઝડપી પાડ્યા હતા જ્યારે એક નાસી જતા તેને વોન્ટેડ જાહેર કરાયો છે.

 

 

પ્રાપ્ત માહિતી મુજબ દેડીયાપાડા પોલીસ સ્ટેશન ના પોલીસ સ્ટાફના માણસો પેટ્રોલીંગમાં નીકળેલા હતા તે વખતે મળેલ બાતમીના આધારે ગોલવાણ ખાતે રેઇડ કરતા કેટલાક ઇસમો રાત્રીના અંધારામાં મોબાઇલની બેટરીના અજવાળામાં પૈસા વડે જુગાર રમતા હોય ચારેય બાજુથી કોર્ડન કરી રેઇડ કરી સ્થળ પરથી

 

 

 

ચંદ્રકાંતભાઇ નરપત ભાઇ વસાવા, ચુનીલાલ ધનજીભાઇ વસાવા,અક્ષયભાઇ માનસીંગભાઇ વસાવા, કાશીરામભાઇ ફતુભાઇ વસાવા, સેગજીભાઇ હીરાભાઇ વસાવા તમામ રહે.ગોલવાણ ફળીયા તા.દેડીયાપાડા જી.નર્મદા ને અંગ ઝડતીના રોકડા રૂપિયા ૫૦૦૦/- તથા દાવ ઉપરના રોકડા રૂપિયા ૨૫૦/- તથા મોબાઇલ નંગ-૦૧ કિ.રૂ.૧૦૦૦ /- મળી કુલ કિ.રૂ.૬૨૫૦/ - ના જુગારના મુદામાલ સાથે પકડી પાડ્યા હતા તથા સ્થળ ઉપરથી નાસી જનાર કરણસીંગ પ્રતાપભાઇ વસાવા રહે.ગોલવાણ ફળીયા તા.દેડીયાપાડા ને વોન્ટેડ જાહેર કરી તમામ વિરૂધ્ધ કાયદેસર કાર્યવાહી હાથ ધરેલ છે. (ભરત શાહ દ્વારા રાજપીપળા)