વલસાડ તાલુકાના ચણવઇ ગામે મંદિર ફળિયામાં રહેતા નરેશભાઈ બચુભાઈ નાયકા નોકરી કરીને પરિવારનું ગુજરાન ચલાવે છે. જોકે નરેશભાઈ પોતાની સાયકલ લઈને નોકરી ઉપર ગયા હતા અને સાંજે નોકરી પરથી પાથરી ગામે જલારામ મંદિર પાસેથી પસાર થઈ રહ્યા હતા. ત્યારે કપરાડાના મેણઘા ગામે રહેતા બાબુભાઈ કનુભાઈ ભોગીયાએ પોતાની હોન્ડા સાઈન મોટરસાયકલ નંબર GJ/15/BH/8062 પુરઝડપે હંકારી સાયકલ ચાલક સાથે અકસ્માત કર્યો હતો. જેમાં સાયકલ ચાલક નરેશભાઈને ગંભીર ઈજા પહોંચતા તેઓને સારવાર દરમિયાન મોત નિપજ્યું હતું. અકસ્માત અંગે પોલીસે ગુનો નોંધી તપાસ હાથ ધરી હતી.