સોનગઢના શિવાજીનગર માંથી દેશીદારૂ સુગંધી સંતરાની બાટલીઓ સાથે એક મહિલાને ઝડપી પાડી પોલીસ દ્વારા કાયદેસરની કાર્યવાહી હાથ ધરવામાં આવી હતી.

 

 

 

 

પોલીસ દ્વારા ક્રોસ રેઇડનું આયોજન કરેલ હોય સુરત લોકલ ક્રાઈમ બ્રાંચના માણસો શનિવારે સોનગઢ પોલીસ સ્ટેશન વિસ્તારમાં બુટલેગરોને ત્યાં રેઇડમાં હતા તે દરમિયાન સોનગઢના શિવાજીનગરમાં રેઇડ કરી હતી દરમિયાન ઘરમાં વેચાણ અર્થે સંતાડી મુકેલ દેશીદારૂ સુગંધી સંતરાની કુલ બાટલીઓ નંગ ૧૨૧ જેની કિ.રૂ.૬૦૫૦/- ના મુદ્દામાલ સાથે શાંતાબેન તે સંભાજી ઢોડકુભાઈ ગામીત સુરત પોલીસની રેઈડમાં ઝડપી પાડવામાં આવી હતી.

 

 

 

 

બનાવ અંગે હેડકોન્સ્ટેબલ રાજદીપભાઈની ફરિયાદના આધારે દારૂની બાટલીઓ સાથે ઝડપાયેલી મહિલા વિરુદ્ધ સોનગઢ પોલીસ મથકે ગુનો દાખલ કરવામાં આવ્યો છે.જોકે દારૂનો મુદ્દામાલ પૂરો પાડનાર નવાપુર ખાતે આવેલ વાઈન શોપના સંચાલકને વોન્ટેડ જાહેર કરવામાં આવ્યો છે.