સુરત શહેરમાં ગણેશ ઉત્સવ શરૂ થઈ ગયો છે. સુરતમાં દોઢ દિવસ, ત્રણ દિવસ અને પાંચ દિવસ તેમજ દસ દિવસના ગણપતિજીનું સ્થાપન થાય છે જેથી શહેરમાં દોઢ દિવસના ગણેશજીનું પણ ઘણું મહત્વ છે જેના કારણે સુરત મહાનગરપાલિકાએ શહેરમાં ગણેશ વિસર્જન માટે આઠ કૃત્રિમ તળાવ બનાવ્યા છે. જેમાં ડુમ્મસ કાંદી ફળીયા, ડક્કા ઓવારા પાસે, રીંગરોડ જૂની સબજેલ ખાતે, પાલ આરટીઓ પાસે, સરથાણા વીટી સર્કલ નજીક, સિંગણપોર કોઝવે નજીક, નવાગામ ડીંડોલી અને સચિન ખાતે કૃત્રિમ તળાવ બનાવ્યા છે જેમાં ભક્તો દોઢ દિવસના ગણેશજીનું વિસર્જન થશે.