તાપી જિલ્લામાં આજરોજ કોરોના પોઝીટીવના નવા ૫ કેસ સામે આવ્યા છે. તેમછતાં કેટલાક લોકો જાહેરમાં બિન્દાસ્ત સોશિયલ ડીસ્ટન્સ અને માસ્ક વિના હરતા ફરતા નજરે પડી રહ્યા છે. તે એક ચિંતાનો વિષય બન્યો છે. 

તાપી જિલ્લામાં શનિવારે સાંજ સુધીમાં વ્યારા તાલુકાના ટીચકપુરા ગામના સડક ફળીયામાં ૧૭ વર્ષીય યુવક,ડુંગરગામના ડુંગરી ફળીયામાં ૨૨ વર્ષીય મહિલા,કેળકુઈ ગામના ડુંગી ફળીયામાં ૪૬ વર્ષીય પુરુષ જયારે ઉચ્છલ તાલુકાના વડપાડા ગામના નિશાળ ફળીયામાં ૪૪ વર્ષીય પુરુષ અને વાલોડ તાલુકાના બુહારીગામના ઉદ્યોગવાડીમાં ૨૮ વર્ષીય પુરુષ મળી જિલ્લામાં કુલ ૫ લોકોના કોરોના ટેસ્ટ પોઝીટીવ આવ્યો છે, આ સાથે જિલ્લામાં કોરોના પોઝીટીવ દર્દીઓના કુલ ૧૦ કેસ એક્ટિવ છે.