વાલોડના નવા ફળિયા વિસ્તાર તથા શાહપુરગામની હદમાં આવેલા ખેતરોમાંથી સ્ટાર્ટર પરથી પાણીના બોરમાં જતા કોપરના વાયરો ચોરાતાપોલીસ દોડતી થઇ હતી.મળતી માહિતી મુજબ વાલોડ ખાતે ખેતરોમાંથી બોર અને કૂવાના કોપરના વીજતારોની ચોરી થયાનો બનાવ બન્યો છે, જેમાં વાલોડના નવા ફળિયા તથા શાહપોર વિસ્તારના 18 જેટલા ખેડૂતોના ખેતરોમાંથી સ્ટાર્ટર પરથી બોર અને કૂવામાં ઉતારવામાં આવેલ કોપરના વીજ તાર ચોરાયા હોવાના બનાવ બન્યો છે, 

આ અંગે નવા ફળિયાના ખેડૂતો દ્વારા વાલોડ પોલીસને વીજ તાર ચોરાયા હોવાના જાણ કરવામાં આવતા સ્થળ પર પહોચી પોલીસ દ્વારા વધુ તપાસ હાથ ધરવામાં આવી હતી.ચોરટાઓ દ્વારા બોરનાં પાઇપો તોડી કે પાઇપોને નુકસાન કરી બોરની અંદર ઉતારવામાં આવેલ કોપરના વાયરો ખેંચી ચોરી જવાના બનાવ બન્યો છે, ત્યારે નવા ફળિયાના ખેડૂતો દ્વારા પંથકમાં છાશવારે ચોરી અટકાવવા પેટ્રોલિંગ વધારવાની માંગ ઉભી થઈ છે.