કેરળના કોલ્લમમાં 'ભારત જોડો યાત્રા' માટે 2000 રૂપિયા ન આપવા પર દુકાનદારને ધમકાવવાનો મામલો સામે આવ્યો છે. દુકાનના માલિક એસ ફવાઝે કોંગ્રેસના કાર્યકરો પર વજન મશીનને નુકસાન પહોંચાડવાનો અને શાકભાજી ફેંકવાનો પણ આરોપ લગાવ્યો છે. તે કહે છે કે તે આ યાત્રા માટે માત્ર 500 રૂપિયા ચૂકવી શક્યો હતો. એસ ફવાઝે કહ્યું, 'કોંગ્રેસ કાર્યકર્તાઓનું એક જૂથ દુકાન પર પહોંચ્યું. તેમણે ભારત જોડો યાત્રા માટે દાન માંગ્યું. મેં આ માટે 500 રૂપિયા આપ્યા,પરંતુ તેઓ 2000 રૂપિયા માંગી રહ્યા હતા. હું આટલી રકમ ચૂકવી શક્યો ન હતો તેથી તેઓએ વજન મશીનને નુકસાન પહોંચાડ્યું અને શાકભાજી ફેંકી દીધા. આ મામલે તાત્કાલિક કાર્યવાહી કરીને કોંગ્રેસે પાર્ટીના ત્રણ કાર્યકરોને સસ્પેન્ડ કરી દીધા છે.

તેમણે કહ્યું કે તેઓ અમારી વિચારધારાનું પ્રતિનિધિત્વ કરતા નથી અને આવા વર્તનને સ્વીકારવામાં આવશે નહીં. પક્ષ સ્વૈચ્છિક રીતે નાના દાન દ્વારા ક્રાઉડફંડિંગ કરે છે, અન્યની જેમ કોઈ કોર્પોરેટ દાન નથી.કોંગ્રેસના નેતાઓએ શુક્રવારે એક દિવસના આરામ પછી રાજ્યના કોલ્લમ જિલ્લાના પોલયાથોડુથી ભારત જોડી યાત્રા ફરી શરૂ કરી. વરિષ્ઠ નેતા જયરામ રમેશે જણાવ્યું કે રાહુલ ગાંધી જિલ્લાના નીનાકરામાં થોડો સમય રોકાશે. તેમણે ટ્વીટ કર્યું, 'એક દિવસના આરામ પછી આજે સવારે 7.45 વાગ્યે કોલ્લમથી 'ભારત જોડો યાત્રા'ફરી શરૂ થઈ, આજે સવારે 13 કિમીનું અંતર કાપવામાં આવશે અને તે પછી નીનાકારા ખાતેના બીચ પર થોડો સમય રોકાશે. બપોરે કાજુ ઉદ્યોગ સાથે સંકળાયેલા કામદારો,કાજુ ઉદ્યોગકારો,ટ્રેડ યુનિયનો અને આરએસપી અને ફોરવર્ડ બ્લોકના નેતાઓ સાથે વાર્તાલાપ થશે.