નાંદોદ તાલુકા પંચાયત કચેરીનો કોમ્પ્યુટર ઓપરેટર માત્ર ૧૦ રૂપિયાની લાંચ લેતા એસીબીના હાથે ઝડપાયો છે. 

મળતી માહિતી અનુસાર એસીબી પોલીસને એવી આધારભૂત માહિતી મળી હતી કે, નાંદોદ તાલુકા પંચાયત કચેરીમાં બી.પી.એલ કાર્ડ ધરાવતા માણસોને બી.પી.એલ દાખલો વિના મુલ્યે આપવાનો હોય છે પરંતુ આ દાખલો કાઢી આપવાના અવેજ પેટે રૂ।.૧૦ થી રૂ।.૧૦૦/- સુધીની લાંચની રકમ લેવામાં આવે છે અને જો લાંચની રકમ ના આપે તો માણસોને ધક્કા ખવડાવવામાં આવે છે જે હકીકતની ખરાઈ કરવા અને જરૂર જણાય તો કાયદેસરની કાર્યવાહી કરવા આજરોજ એસીબીએ તાલુકા પંચાયતની કચેરી નાંદોદ-રાજપીપલા ખાતે લાંચના ડીકોઈ છટકાનું આયોજન કરતા તાલુકા પંચાયતની કચેરીમાં ડી.આર.ડી.એ. શાખાનો (કરાર આધારીત) કોમ્પ્યુટર ઓપરેટર પ્રવિણકુમાર શનાભાઈ તલાર,નાનો બી.પી.એલ દાખલો કાઢી આપવાના અવેજ પેટે લાંચની રકમ રૂ।.૧૦/- ની માંગણી કરી સ્વીકારતા પકડાઈ ગયો હતો. હાલ એસીબીએ  આરોપીને ડીટેઈન કરી આગળની કાર્યવાહી હાથ ધરી છે.