વાલોડના રાનવેરી ગામના માર્ગ ઉપર બે બાઈક વચ્ચે થયેલ ટક્કરમાં એક શખ્સનું સારવાર દરમિયાન મોત નિપજ્યું હોવાનો બનાવ વાલોડ પોલીસ મથકે નોંધાયો છે.

મળતી માહિતી મુજબ વાલોડ તાલુકના રાનવેરી ગામમાંથી પસાર થતો કણજોડથી વાલોડ તરફ આવતા રોડ ઉપર ઝંડી ફળીયા પાસે તા.૦૮/૦૩/૨૦૨૩ મોટર સાયકલ નંબર જીજે/૦૫/એનજે/૬૬૧૬ના ચાલકે પોતાની મોટર સાયકલ પુરઝડપે અને ગફલત ભરી રીતે હંકારી લઇ આવી ફરિયાદીની સુઝુકી એક્સેસ મોપેડ નંબરજીજે/૨૬/એસી/૮૧૮૭ને પાછળના ભાગે ટ્ક્કર મારતા ફરિયાદીના સબંધી દાદાજી રામસિંગભાઇ હરજીભાઇ ગામીત (ઉ.વ.૫૪ રહે, ભીમપોર ડુંગરી ખોખરી ફળીયા તા.વાલોડ) નાઓ નીચે ડામર રોડ ઉપર પટકાયા હતા જેમને મોઢાના તથા માથાના ભાગે ગંભીર આંતરિક મુઢ ઇજા પહોચાડતા સારવાર અર્થે લઇ જવામાં આવ્યો હતો જોકે સારવાર દરમ્યાન રામસિંગભાઇ ગામીતનું મોત નિપજ્યું હતું.

બનાવ અંગે જીતેન્દ્ર દિપકભાઇ ગામીત રહે, પેથાપુર દુમાસી ફળીયું તા.મહુવા જી.સુરત  નાઓની ફરિયાદના આધારે પોલીસે બનાવ દાખલ કરી નિયમોનુસારની કાર્યવાહી હાથ ધરી હતી.