સ્વચ્છતાને જીવનનું અભિન્ન અંગ બનાવવા માટે રાજ્ય સરકાર દ્વારા સ્વચ્છતા હી સેવા અભિયાનનું આયોજન કરાયુ છે. આ અભિયાન અંતર્ગત સ્વચ્છતાને સંલગ્ન વિવિધ પ્રવૃતિઓ હાથ ધરવામાં આવી હતી. જેના ભાગ રૂપે જિલ્લા ગ્રામ વિકાસ એજન્સી નવસારી કચેરીમાં નિયામકના માર્ગદર્શન હેઠળ રેકર્ડ વર્ગીકરણ કામગીરી નીતિ નિયમ અનુસાર હાથ ધરવામાં આવી હતી. સ્વચ્છતા હી સેવા અંતર્ગત નવસારી જિલ્લાની વિવિધ સરકારી કચેરીઓ, રેકોર્ડશાખા, આરોગ્ય શાખાના રેકર્ડ વર્ગીકરણની કામગીરીની સાથે સાફ-સફાઈની કામગીરી ચાલી રહી છે. સમગ્ર ગુજરાતને સ્વચ્છ-સુઘડ બનાવવાની નેમને ચરિતાર્થ કરવા ‘સ્વચ્છતા હી સેવા’ અભિયાનમાં લોકો સ્વયંભું જોડાઈને સ્વચ્છતા રાખવા કટિબદ્ધ બને તેવા પ્રયાસો કરવામાં આવી રહ્યા છે.