સ્વચ્છતા હી સેવા અંતર્ગત તાપી જિલ્લામાં વિવિધ સ્થળોની સામુહિક સાફ સફાઇ કરવામાં આવી રહી છે. અબાલવૃધ્ધ સૌ કોઇ આ અભિયાનમાં પોતાનું યોગદાન આપી ગામને સ્વચ્છ બનાવવા સામુહિક ભાગીદારી નોંધાવી રહ્યા છે. નિઝર તાલુકાના વેલદા ગામે ડૉ,બાબાસાહેબ આંબેડકરની મૂર્તિની સાફસફાઇ તથા આંબેડકર ફળિયામાં આસપાસ સાફ સફાઈ કરવામાં આવી હતી. જેમાં ગામના વડિલો, આગેવાનો, સરપંચશ્રી તથા સખીમંડળની બહેનો દ્વારા સહકાર આપવામાં આવ્યો હતો. જેના પગલે તાપી જિલ્લામાં લોકો સ્વચ્છતા પ્રત્યે સજાગ બન્યા છે.