ચીખલીમાં સાંઈ મંદિરની બાજુમાં રહેતા શ્યામ ચંદ્રકાંત જાદવની બાઈક લઈને તેમના પાડોશી ઉમેશભાઈ વાઘમારે રાત્રીના સમયે પરિવાર સાથે થાલા ખાતે જમવા માટે ગયા હતા. ત્યાંથી પરત ફરતી વેળા રાત્રીના સમયે ચીખલી ખેરગામ રોડ ઉપર ચીખલી પોસ્ટ ઓફીસની સામે કોઈ અજાણ્યા વાહન ચાલકે ગફલતભરી રીતે હંકારી લાવી બાઈકને પાછળથી ટક્કર મારતા તેના માસુમ પુત્ર જૈનીલ ઉમેશભાઈ વાઘમારે (ઉ.વ.આ ૨ વર્ષ ૬ માસ)ને માથાના ભાગે ગંભીર ઈજા થતા ઘટના સ્થળ ઉપર જ કમકમાટીભર્યુ મોત નિપજવા પામ્યુ હતુ જયારે તેની પુત્રીને ઈજા થતા સારવાર અર્થે હોસ્પિટલમાં ખસેડાઈ હતી ઉપરોક્ત ગંભીર અકસ્માત બાદ પણ અજાણ્યો વાહન ચાલક માનવતા નેવે મુકી ઘટના સ્થળ ઉપરથી ફરાર થઈ ગયો હતો. બનાવ અંગે પોલીસે અજાણ્યા વાહન ચાલક સામે ગુનો નોંધી કાયદેસરની કાર્યવાહી હાથ ધરી હતી.