ચીખલી પોલીસે સમરોલી કાળાપુર પાસેથી મારુતિ ઈકો કારમાંથી ૧.૦૩ લાખ રૂપિયાનો વિદેશી દારૂ સાથે ૧ ઈસમને ઝડપી પાડી ૩.૦૮ લાખ રૂપિયાનો મુદ્દામાલ કબ્જે કરી વધુ તપાસ હાથ ધરી છે.

મળતી માહિતી મુજબ ચીખલી પોલીસ મથકના ડી-સ્ટાફના બ્રિજેશભાઈ તથા સુરેશભાઈ સહિતનાએ પૂર્વ બાતમીના આધારે ચીખલી તાલુકાના સમરોલી કાળાપુલ પાસેથી મારુતી ઈકો કાર નં.જીજે/21/એક્યુ/3429 માંથી બીયર અને વ્હીસ્કીની કુલ ૪૧૩ બોટલોની કીંમત ૧,૦૩,૩૫૦/- રૂપિયાનો દારુનો જથ્થો ઝડપી પાડી કાર સાથે ૩,૦૮,૩૫૦/- રૂપિયાનો મુદ્દામાલ કબ્જે કરી ધર્મેશભાઈ ઠાકોરભાઈ પટેલ(રહે.સમરોલ)ની ધરપકડ કરી દારૂનો જથ્થો ભરાવી આપનાર કિરણ જોગી નામના વ્યક્તિને વોન્ટેડ જાહેર કરી પીઆઈ ડી.કે.પટેલે વધુ તપાસ હાથ ધરી હતી.