રાનકુવામાં જાહેર માર્ગ ઉપર સાળાએ કટરના ઘા મારી બનેવી પર હુમલો કરતા ઈજાગ્રસ્ત બનેવીને સારવાર અર્થે હોસ્પિટલ ખસેડાયો હતો. પોલીસે ગુનો નોંધી વધુ તપાસ હાથ ધરી હતી.

ફરિયાદી રાજેશભાઈ રમેશભાઈ પટેલ મોટરસાઈકલ ઉપર રાનકુવા હાઈસ્કુલમાં પોતાની દીકરી ઓને લઈ જઈ રહ્યા હતા, તે દરમિયાન વાંસદા રોડ ઉપર રાનકુવા પટેલવાડી પાસે એક કાર સામે લાવીને ઉભી રાખી દીધેલ અને કારમાંથી તેમનો સાળો ધર્મેશ સુમન પટેલ ઉતરીને આવી કોઈ વાતચીત કરે તે પૂર્વે જ કટરના ઘા મારતા જમણા હાથમાં તથા કાનના નીચેના ભાગે કટર ચલાવી દીધી જે કારણે રાજેશભાઈ ને ઈજા થતા ખાનગી હોસ્પિટલમાં પ્રાથમિક સારવાર બાદ રેફરલ હોસ્પિટલમાં ખસેડવામાં આવ્યા હતા, સાથે બીજી વખત મળશે તો જાનથી મારી નાખવાની પણ ધમકી આપતા પોલીસે ધર્મેશ સુમન પટેલ સામે ગુનો નોંધી વધુ તપાસ હાથ ધરી હતી.(ફાઈલ ફોટો)