ચીખલી તાલુકાના આમધરા ગામના નવા નગર ખાતે રહેતા ધર્મેશભાઈ ખાલપભાઈ હળપતિ (ઉ.વ. 40) સાંજના સમયે પોતાની ટીવીએસ સુઝુકી મોટર સાઈકલનંબર જીજે/21/બી/3525 લઈને ચીખલી ક્ષત્રિય વાડી લગ્ન પ્રસંગમાં આવ્યા હતા.

ત્યારબાદ આમધરા પરત જતા સમયે આમધરા અરવિંદ મોતીભાઈની વાડીની સામે વળાંકમાં રોડ ઉપર રસ્તો બિસ્માર હોય જેથી ધર્મેશ હળપતિની સુઝુકી મોટરસાયકલ સ્લીપ થઈ જતા વળાંકમાં ઇલેક્ટ્રિક થાંભલામાં અથડાઈ જતા કમરના ભાગે તેમજ શરીરના ભાગે ગંભીર ઇજાઓ થતા સારવાર અર્થે ચીખલી રેફરલ હોસ્પિટલમાં ખસેડાતા ફરજ ઉપરના તબીબે યુવકને મૃત જાહેર કર્યો હતો.

આ બનાવ અંગેની રાજુભાઇ હળપતિ એ ફરિયાદ કરતા પોલીસે અકસ્માત મોતનો ગુનો નોંધી વધુ તપાસ હાથ ધરી હતી.