ચીખલી પોલીસને મળેલ બાતમીના આધારે, એક મહિન્દ્રા એક્સયુવી કારમાં સેલવાસથી દારૂ ભરી સુરત તરફ જનાર છે. જે કાર હાલ વાધલધરા ઓવરબ્રિજ પસાર કરેલ છે. જે બાતમીના આધારે ચીખલી પોલીસે સુંથવાડ શીતલ હોટલ પાસે મુંબઈથી સુરત તરફ જતા ટ્રેક ઉપર વોચ ગોઠવી હતી.

તે સમય દરમિયાન બાતમી મુજબની મરૂન કલરની મહિન્દ્રા એક્સયુવી-500 નંબર જીજે/19/એએ/7720  આવતા જોઈ કારને લાકડીના ઈશારે ઉભી કરતા એક્સયુવીના ચાલકે કાર સુરત તરફ હંકારી જતા પોલીસે પીછો કરતા એક્સયુવીના ચાલકે પોતાના કબ્જાની કાર બારોલીયા ગામની સીમમાં ટીમલી ફળીયાથી બારોલીયા ગામ તરફ જતા માર્ગ ઉપર સ્ટેરિંગ ઉપરનો કાબુ ગુમાવતા કાર રોડની સાઈડે નીચે ઉતરી જતા કાર ચાલક કાર મૂકી ભાગવા જતા પોલીસે કાર ચાલકને ઝડપી પાડી કારની તલાશી લેતા અંદરથી વિદેશી દારૂની 106 બોટલ મળી આવી હતી જેની કીંમત રૂપિયા 35,750/- તથા એક્સયુવી કારની કિંમત રૂપિયા 4 લાખ, 2 મોબાઈલ ફોન રૂપિયા 4,000/- એમ કુલ મળી રૂપિયા 4,39,750/-નો મુદ્દામાલ જપ્ત કરી તુષાર વિનોદભાઈ સાવલિયા (રહે.સુરત) તથા ભાવેશ સુરેશભાઈ સોજીત્રા (રહે.સુરત) ઓને ઝડપી પાડી પોલીસે આગળની કાર્યવાહી હાથ ધરી હતી.જ્યારે દારૂનો જથ્થો ભરાવી આપનાર મુકેશ જવાલા વર્ધાને વોન્ટેડ જાહેર કર્યો હતો.