નવસારીના ધોળાપીપળા પાસેથી રૂ.૧.૫૦ કરોડના કોકેઈન સાથે ઝડપાયેલી નાઇજીરીયન મહિલા મારગ્રેટ એની એમજીબુડોમએ ગેરકાયદે પ્રવૃત્તિ માટે પાસપોર્ટ સાથે છેડછાડ કરવા ઉપરાંત ખોટા વીઝા બનાવી ડ્રગ્સની હેરાફેરી કરી હોવાનું બહાર આવતા તેની સામે એસ.એમ.સી. ગાંધીનગર પોલીસ સ્ટેશનમાં પાસપોર્ટ અધિનિયમ અને ફોરેનર્સના વધુ ગુના દાખલ થયા હતા.

મળતી માહિતી મુજબ, નવસારી હાઇવે રોડ ઉપરથી સ્ટેટ મોનીટરીંગ સેલે તા.૧૭મી ફેબ્રુઆરીના રોજ મુંબઈથી ભાડાની કારમાં સુરત જઈ રહેલા નાઇજીરીયન મહિલા મારગ્રેટ એની એમજીબુડોમને રૂા.૧.૫૦ કરોડના કોકેઈન સાથે ઝડપી પાડી હતી. આ સમયે એસ.એમ.સી. દ્વારા તેની પાસેથી પાસપોર્ટ સહિતના દસ્તાવેજ કબજે લેવાયા હતાં. જે અંગે ધ એમ્બેસેડર વીઝા ઇન્સુઇ નીંગ ઓથોરીટી ઈન્ડીયન એમ્બેસી ન્યુ દિલ્હી તથા હાઈ કમિશન ઓફ ઇન્ડીયા અબુજા (નાઇઝીરીયા) અને મિનિસ્ટ્રી ઓફ એક્સર્ટનલ (એમઇએ) પાસેથી માહિતી મંગાવતા આરોપી મારગ્રેટ એની એમજીબુડોમએ તેના પાસપોર્ટમાં ભારતના ખોટા વીઝા સ્ટીકરો લગાવ્યા તેમજ ઓરજીનલ પાસપોર્ટમાં છેડછાડ કરી હોવાનું બહાર આવ્યું હતુ. આ સાથે જ આ મહિલાએ આ પ્રકારે દસ્તાવેજો સાથે છેડછાડ કરી તેનો ગેરકાયદે પ્રવૃત્તિઓ માટે ઉપયોગ કર્યો હોવાનું બહાર આવતા ગાંધીનગરના સ્ટેટ મોનીટરીંગ પોલીસ સ્ટેશનમાં વધુ કલમ હેઠળ ગુના દાખલ થયો હતો.