ગૃહ મંત્રાલય સાથે જોડાયેલા સૂત્રોએ જણાવ્યું હતું કે, ઈડીની સતત વધી રહેલી ગતિવિધિઓ અને ટીમને થતા જોખમને ધ્યાનમાં રાખીને, CISFને દેશભરમાં આવેલા EDના બધા કાર્યાલયોમાં નિયમિતપણે તૈનાત કરવામાં આવશે. પ્રથમ પોસ્ટિંગ ED ઓફિસોમાં કરવામાં આવશે. માહિતી મુજબ, શરૂઆતમાં CISF દળોને કોલકાતા, રાંચી, રાયપુર, મુંબઈ, જલંધર, જયપુર, કોચી તેમજ અન્ય સ્થળોએ સ્થિત ED ઓફિસમાં તૈનાત કરવામાં આવશે. ઉલ્લેખનીય છે કે જાન્યુઆરીમાં પશ્ચિમ બંગાળના સંદેશખાલીમાં ટોળાએ ED ટીમ પર હુમલો કર્યો હતો. આ હુમલામાં EDના ઘણા સભ્યો ઘાયલ થયા હતા.