દિલ્લીમાં નવી દારૂ નીતિ મામલે CBIએ દિલ્લીના ઉપમુખ્યપ્રધાન મનીષ સીસોદીયા પર રેડ કરી હતી. અંદાજે 9 કલાકથી વધુ ચાલેલી આ તાપસ બાદ હવે આ મામલે મોટા સમાચાર સામે આવ્યાં છે. દિલ્લીમાં નવી દારૂ નીતિ મામલે CBIએ 15 લોકો વિરુદ્ધ FIR નોંધી છે અને આ 15 લોકોમાં  મનીષ સીસોદીયાનું નામ પણ સામેલ છે. 

સીબીઆઈના જણાવ્યા અનુસાર, મનીષ સિસોદિયા પર ગુનાહિત ષડયંત્ર અને ખાતામાં હેરાફેરીનો પણ આરોપ છે.સેન્ટ્રલ બ્યુરો ઑફ ઇન્વેસ્ટિગેશન (CBI) એ શુક્રવારે સવારે દિલ્હીની એક્સાઇઝ પોલિસી 2021-22ના સંબંધમાં દિલ્હીના નાયબ મુખ્યમંત્રી મનીષ સિસોદિયાના નિવાસસ્થાન સહિત અનેક રાજ્યોમાં દરોડા પાડ્યા હતા. અધિકારીઓએ તેમના નિવાસસ્થાન ઉપરાંત મનીષ સિસોદિયાની સત્તાવાર કારની પણ તલાશી લીધી છે.