વ્યારા નગરમાં બિલ્ડર નિશિષ શાહની હત્યાના પ્રકરણમાં સંડોવાયેલ વોન્ટેડ વિજય પટેલએ ગુજરાત હાઇકોર્ટમાં પોતાનો બચાવ કરતા આગોતરા જામીન અરજી પણ કરી હતી. તે પણ હાઇકોર્ટે નામંજુર કરી છે.

 

 

 

 

 

વ્યારા ટાઉનમા ગત  14 મે ના રોજ  રાત્રી દરમિયાન 4  યુવકો એ બિલ્ડર નિશીષ શાહની હત્યા કરી હતી. આ પ્રકરણમાં પોલીસે આરોપીની અટક કરી તપાસ ના અંતે વિજય મનસુખ પટેલને મુખ્ય  સુત્રધાર તરીકે નોંધ્યો હતો. બીજી તરફ વિજય મનસુખ પટેલ રહે. કાનપુરા તા.વ્યારા તે પોતાની ધરપકડ ટાળવા નાસતો ફરતો હોય તેના વિરુધ્ધમાં તાપી જિલ્લા પોલીસ અધિક્ષક સુજાતા મજમુદાર દ્વારા ઝીણવટ ભરી પોલીસ ટિમ પાસે તપાસ હાથ ધરાવી  સીઆરપીસી કલમ 70  મુજબ કાયમી ધરપકડનું વોરંટ ચીફ જ્યુડી.મેજી. વ્યારા કોર્ટમાંથી પોલિસ દ્વારા મેળવવામાં આવ્યો હતો. ત્યાર બાદ આરોપી વિરુધ્ધ સીઆરપીસી 82  મુજબ કાર્યવાહી થતા વ્યારા કોર્ટએ વિજય પટેલ વિરૂધ્ધ ફરારી જાહેરનામુ બહાર પાડી દિન 30માં હાજર થવા જાહેરનામુ પ્રસિધ્ધ કર્યુ, છતા વિજય પટેલ ચીફ જ્યુડી મેજી. વ્યારા કોર્ટ સમક્ષ હાજર થયો ન હતો. વોન્ટેડ વિજય પટેલએ ગુજરાત હાઇકોર્ટમાં પોતાનો બચાવ કરતા આગોતરા જામીન અરજી પણ કરી હતી. તે પણ તા.21મી સપ્ટેમ્બરે હાઇકોર્ટે નામંજુર કરી છે.