બ્રિટન, ફ્રાન્સ અને સંયુક્ત અરબ અમીરાત એ સંયુક્ત રાષ્ટ્ર સુરક્ષા પરિષદ (UNSC)માં ભારતની કાયમી સભ્યપદને સમર્થન આપ્યું છે. સંયુક્ત રાષ્ટ્રમાં બ્રિટનનાં સ્થાયી પ્રતિનિધિ ડેમ બારબરા વુડવર્ડે જણાવ્યું હતું કે, UKનાં વિદેશ સચિવે આ અઠવાડિયે જાહેરમાં પુનરોચ્ચાર કર્યો હોવાથી, અમે ભારત, બ્રાઝિલ, જર્મની અને જાપાન માટે UNSCનાં નવા કાયમી સભ્યપદને સમર્થન આપીએ છીએ. યોગાનુયોગ, ભારત આ મહિને UNSCની અધ્યક્ષતા કરી રહ્યું છે. UNમાં ફ્રાન્સનાં સ્થાયી પ્રતિનિધિ રાજદૂત નિકોલસ ડી રિવિએરે જણાવ્યું હતું કે, "અમે વિશ્વનાં ઉભરી રહેલા નવા દળોને ધ્યાનમાં રાખીને સુરક્ષા પરિષદના વિસ્તરણને સમર્થન આપીએ છીએ." ફ્રાન્સ કાયમી સભ્યપદ માટે ભારત, બ્રાઝિલ, જર્મની અને જાપાનના ઉમેદવારોને સમર્થન આપે છે.

દરમિયાન, સુરક્ષા પરિષદમાં ચર્ચા દરમિયાન, UAEનાં પ્રધાન નૌરા બિંત મોહમ્મદ અલ કાબીએ કહ્યું, "તમને અને ભારતીય મિશનને સુરક્ષા પરિષદમાં 8માં સફળ કાર્યકાળ માટે અભિનંદન." UAE યુએનએસસીના કાયમી સભ્યપદ માટે ભારતની બિડ માટે તેના સમર્થનનો પુનરોચ્ચાર કરે છે. UAE એ સુરક્ષા પરિષદના કાયમી સભ્યપદ માટે ભારતને સમર્થન આપવાનો પુનરોચ્ચાર કર્યો. યુનાઈટેડ આરબ અમીરાતના મંત્રી નૌરા બિંત મોહમ્મદ અલ કાબી એ, 'આંતરરાષ્ટ્રીય શાંતિ અને સુરક્ષા અને સુધારિત બહુપક્ષીયવાદ માટે નવી દિશા' પર UNSC ઓપન ડિબેટમાં ભાગ લઈ રહ્યા હતા. આ દરમિયાન ભારતના સમર્થનની વાત કરી હતી.